كمية الناس الي كاتبين بالفيسبوك (يعمل لدى : اعلام ) اكثر من شعب الصين نفسه !!
المشكلة كاتبيهة بهالسياق مثلما چنت كاتب بال٢٠٠٧ بالفيسبوك" يعمل لدى : طالب"
بلة طالب و مندري و نمشيهة
انت يا الي كاتب "يعمل لدى : اعلام" متفهمني يا اعلام تعمل بيه ؟؟ و حتى كتاباته ما الها علاقة بالاعلام لا من قريب و لا من بعيد !
انت يا الي كاتب "يعمل لدى : اعلام" متفهمني يا اعلام تعمل بيه ؟؟ و حتى كتاباته ما الها علاقة بالاعلام لا من قريب و لا من بعيد !
الطرگاعة الزينة انه تقرة بالدراسة تخصص مو الاعلام تلكاه لو معهد لو ثانوية ، بلة ما درست اعلام بس عندك واهس ميخالف بس من تكتب يعمل اعلام غير تكتب وين مشتغل ؟؟
ولك اني تخصص صحافة و ما كاتب يعمل لدى اعلام لانه ما اشتغل بشهادتي ، بس فهموني شلون تعمل لدى اعلام؟ شنو مهنة سوق؟ يعني نفس اعلام نفس گصاب - مع احترامي للگصابين ترة خوش لحم يسوون 
😅" - بس جديات اني صافن ليش بلة؟
😅" - بس جديات اني صافن ليش بلة؟
الي يعتبرني مضغوط عمي حقك بس مثلما الطب و الهندسة و القانون مهن الهة احترامها الاعلام مهنة حساسة مو شعيط و معيط يهوبز بيهة ، الاعلام تبني رأي عام يعني مجتمع تصير افكاره منك ، مو بقالة و كيلو الطماطة العراقي ب٧٥٠ و التركي ب١٠٠٠ !!!
و على صعيد غير متصل الاعلانات الممولة بالفيسبوك زايدة بشكل راح تصير مثل التلفزيون المصري الاعلان اطول من الفيلم ، لابو الگرين كارت الي دازيلي اعلانه
(منشور فيسبوك)
ليست هناك تعليقات:
إرسال تعليق